女藝人點睇
羽翹「咁驚？我facebook有四千幾個Friend喎！我冇聽過，不過本身我喺facebook冇填電話資料，亦都冇將iPhone電話簿同facebook同步，話晒自己個facebook都係公開！我覺得電話號碼好私人，試過畀人用電話騷擾咗好耐，所以會好小心，唔會喺網上隨意公開個人資料！」
楊秀惠「我本身有好多海外朋友，自己曾經用過一個Apps，同facebook資料有聯繫，之後發現原來朋友可以透過facebook睇到我電話，最後我都刪除咗自己個號碼。而且我facebook係公開嘅，都好擔心有人騷擾，以後會特別小心。」
呂慧儀「係咩？搞錯啊！自己好少用iPhone玩facebook，以前讀大學嗰時都有修讀電腦課程，所以對於網上保護私隱嘅基本知識都認識嘅，都唔擔心！不過覺得facebook呢個功能對用戶唔夠保障。」
龔嘉欣「都懷疑自己中招，因為好奇怪，最近有個人打畀我，自稱識我，問我係咪Katy，Katy係我facebook嘅名，嗰個人又話同我冇共同朋友，講咗一大輪嘢，最尾發現原來我唔識佢。我都奇怪點解佢有我電話，最近聽到有啲咁嘅事，搞到我唔敢再用手提電話上facebook，有諗過報警，但擔心警方唔受理，同經理人商量之後，決定都係唔用電話玩facebook算啦，再理解下有咩加密措施可以做！」
