李小姐（美容業）：「六千幾億儲備梗係多啦！打工仔嘅稅務負擔咁大，認同全免薪俸稅。」
楊先生（文職人員）：「我都認同官富民窮嘅講法，六千幾億儲備都幾充足啦，唔使再多！如果可以減晒薪俸稅，就可以令打工仔負擔少啲。」
呂先生（資產管理）：「政府太側重賣地收入，要研究點樣擴闊稅基，同埋應該加利得稅先至減薪俸稅，仲要解決貧富差距嘅問題，例如派糖到民生方面。」
張小姐（會計文員）：「政府儲備都唔算太多，唔認同要全免薪俸稅，但都要解決人口老化同通脹問題，因為打工仔人工加幅追唔上通脹。」
