淫賤黎有幾淫同埋有幾賤人盡皆知，大家又知唔知佢有幾煩呢？即係咁，長實主席李嘉誠由始至終睇唔起自認契弟嘅淫賤黎，唔願意浪費金錢喺壹淫媒落廣告，淫賤黎就一於死纏爛打，不斷惡意中傷，長期含血噴人，變相要求李嘉誠落廣告畀錢佢使。誠哥繼續唔睬佢咩，佢就繼續喪玩抹黑，仲煩過一隻喺你個頭頂飛來飛去嘅坑渠烏蠅。
呢嗱嗱嗱，又嚟料喇。淫賤黎旗下《壹週刊》日前有一篇所謂報道，標題係「誠哥揸乾，虎豹別墅急招標」，杜撰當年虎豹別墅擁有人胡仙係「被迫賤賣」，又虛構購入物業嘅長實一直要脅將別墅拆毀重建，向港府壓低補地價金額，揸乾虎豹別墅之後將維修嘅爛攤子交畀政府。對於假到咁離譜嘅所謂報道，長實梗係據理力爭啦，不但發表措詞強硬嘅澄清聲明，予以強烈譴責以及表示深感遺憾，並且保留追究權利。
計功夫茶話齋，係咯係咯，對付屢次編撰故事誣衊長實嘅淫賤黎，唔使手軟喎，一於以其人之道還治其人之身，追究到底。
惡意中傷都唔在講，最搞笑嘅係同一個壹淫媒居然有兩個截然不同嘅版本，直情係自相矛盾，簡直係自打嘴巴。同一個阿媽生嘅爛果報係咁講嘅：長實、胡仙擬入標活化虎豹別墅。
喂喂喂，你一方面話長實逼胡仙賤賣，另一方面又話長實同胡仙合作，邏輯好混亂啫，地球人應該冇一個明白你講乜。
事實上，長實唔係同胡仙合作，合作研究承投活化虎豹別墅嘅係胡文虎基金會至真。
成隻人形烏蠅嘅淫賤黎為咗抹黑長實，真係無所不用其極o架，好似冇耐之前爛果報又講到，天水圍大部分街市由領匯承辦，租金高企之下居民被迫捱貴餸，「悲情城市」街市物價普遍較元朗、屯門同灣仔更貴。本來問題不大，你去口誅筆伐領匯掠水冇人話唔啱，之不過咁，爛果報居然無限上綱，畫蛇添足整一段配稿叫做「北領匯南長實貴租抬物價」，無情白事又將長實拖落水。
講到自相矛盾咯喎，呢家嘢又係淫賤黎本色。係人都知壹淫媒反中亂港o架啦，哈，不過淫賤黎又熱愛人民幣喎，咁點算好呢？咁就千方百計將旗下刊物偷運北上囉，更加害人不淺嘅係承印六合彩報，任由不法分子送上內地荼毒同胞。講來講去就係為咗一個錢字，仲要賺盡不義之財添。
好衰唔衰，姣婆遇着脂粉客，內地政府又有一鋪怪癖，十足十就係被虐狂。反中亂港嘅壹淫媒大叫「天滅中共」，點不知暫時未滅嘅中共竟然容許中資機構喺壹淫媒落廣告，連紅色根據地井岡山都獨沽一味喺爛果報賣廣告吸引遊客，變相為淫賤黎提供子彈向自己開槍。你話嘞，咁匪夷所思嘅古怪行為係咪被虐狂吖？
點都好啦，功夫茶絕對贊成備受烏蠅困擾嘅長實真係追究不斷惡意中傷嘅淫賤黎，一來自己唔使煩，二來咯喎，拍扁隻烏蠅為民除害吖嘛！