探射燈：怕報警投訴 遇搭訕即走
內地來港賣藝行乞的情況有增加趨勢，露宿者行動委員會外展工作員周樹德指出，除了旺角外，佐敦一帶亦是內地乞丐的集散地，他們對於有市民上前搭訕，顯得相當敏感，相信是擔心會被人投訴或報警，「我走埋去問佢（乞丐）嘢，有人會驚到即刻執嘢走。」他指出，本港過去亦曾湧現大批內地乞丐，惟沉寂一輪後，近期又再度增多。
有「假乞丐狙擊手」之稱的作家雲海亦指，據他早前追訪尖沙咀一帶的乞丐顯示，部分來自內地的七、八十歲長者屬自願來港行乞，藉以換取免費來港旅遊的「優惠」，「有個阿婆話，以佢嘅能力根本冇辦法嚟香港，就算日日坐喺街邊乞食，都想嚟睇吓，『蛇頭』仲教佢先撕爛證件，然後報失便可留多幾日。」他估計，內地開放愈來愈多省份來港旅遊，相信部分人士會藉此來港行乞。