中環耳目：李慧琼上藝廊歎色香味
立法會議員李慧琼（Starry）近日發現咗一間集藝術與佳餚於一身嘅餐廳，就係銅鑼灣開平道一號Cubus三樓嘅「方圓藝廊」咖啡館。Starry大讚間餐廳食物質素夠水準，而且環境寧靜兼有藝術品欣賞，約朋友食飯傾偈，夠晒寧靜，加上餐廳好近佢間會計師行，食晏夠晒就腳，就算喺中環過去都一樣方便。
提供有機食品
「方圓藝廊」咖啡館原本真係一間畫廊，後來畫廊老闆與朋友合作改為一間藝廊餐廳，除咗出售藝術品外，仲為客人提供有機食品，好似Pasta（意大利麵）配搭嘅用料種類多樣化又新鮮，包括香草、蘑菇、黑松露、蜆肉、櫻桃茄、帶子、意大利青瓜等，正合晒Starry心意。
翻開菜牌，一個午餐包含餐湯、沙律、主菜及甜品，Starry主菜通常都會揀食意粉。餐廳早前只供應午餐及下午茶，不過最近已做埋晚市，以方便捧場客。