好爸爸垂危 急求肝續命

傅志成在酒家任點心師傅，每月靠約一萬元收入維持生計。傅太稱，丈夫○九年曾因肝炎入院，至上月十七日再病發，「佢話身體冇力，塊面好黃，肚痛到行唔到。」他先到北區醫院求診，翌日轉往瑪麗醫院深切治療部，留醫肝科病房，最近情況惡化至肝昏迷，腎功能轉差，再度入深切治療部。

入院證患冠心病

據悉，傅入院期間被診斷出另患冠心病，院方為他測試心臟功能，一周內有結果，再評估接受換肝手術的風險：「要視乎心臟機能血液運行情況，如果好差就唔做得（換肝）。」瑪麗醫院發言人強調，要視乎傅的心臟測試結果及屍肝供應情況而定他輪候換肝的排名。

其弟傅志文透露，父親及兩個叔叔均死於肝病，「○九年病發後，阿哥愈來愈瘦，我勸佢做少啲，養好身體，但係佢唔肯聽，我知佢為咗老婆同個仔。」傅太稱，丈夫顧家又疼錫兒子，每天至少工作十二小時，「丈夫好慳，寧願買嘢畀個仔，每次放假都陪個仔玩。」

傅太憶述丈夫病情不禁嗚咽：「囝囝話好掛住爸爸，我只係話爸爸病咗，唔敢在囝囝面前喊。」她因體重及血型不合無法捐肝，弟傅志文亦因肝纖維化未能捐肝。傅太說：「希望盡快有屍肝，好想有心人肯幫吓我哋，個仔仲好細，唔可以冇咗爸爸。」

瑪麗醫院肝膽胰外科顧問醫生陳詩正指今年肝移植手術數字偏低。他呼籲市民死後捐器官。