政務司司長唐英年前幾日高調批評八十後社運青年，話佢哋剛愎自用，好容易搞到車毀人亡咁話，結果惡評如潮，身為前高官嘅立法會議員葉劉淑儀更批評佢簡直就係挑釁。對唐唐呢番言論，前全國人大常委曾憲梓尋日就話，八十後青年大部分都有智慧同能力，應該要多多鼓勵。
佢仲話，八十後咁有智慧，絕對唔會因為幾句說話而嬲咗唐英年喎。曾憲梓咁講，莫非暗示講呢啲挑釁性說話嘅唐唐無智慧？
