過江女神:講嘢冇句真 上床最開心

報道話有大學研究指出,一眾八十後不信政客會講真話,行為更似「做騷」,查實一啲都唔出奇!就連澳門夜場嘅九十後PR,都表示不信恩客會講真心話,話個個都係吹水,冇個真心喎!

吹水算數

歡場無真愛就肯定啦,嚟自澳門利×水療嘅PR螢螢話,依家同人客溝通唔使經大腦,完全係信口開河,講乜都毋須負責任:「點解會咁?我覺得係人客太保護自己,成日覺得PR想套佢料,或者係私隱愈來愈重要,人人都想保護,結果所有私人嘢都唔敢講,情願吹水算數!」螢螢嘅解釋都合情合理,但作為PR,要知咁多人客私隱做乜呢?「冇話要知佢哋私隱,只不過想了解佢哋多啲,因為只有投其所好至可打開話題,求其搵嘢吹水,邊吹得咁多呀?」又啱喎!做PR同骨妹唔同,陪坐飲酒的確要吹得,否則悶到發慌,下次搵鬼嚟咩!

相反效果

但既然人客都唔介意亂吹水,螢螢又何苦強求要真心對待,不如齊齊亂吹一通,大家開心咪仲好?「鬼唔知咩?最慘有啲位都唔知佢係堅定流,例如人客話坐多陣同我上房,結果坐成粒鐘都未願郁。喂大佬呀!你唔上我大把客上o架,到上到房,人客又會喪讚你身材好,皮膚白滑、功夫超掂,都唔知係講真定講假。以我所知,佢哋見女就吹無非係想囡囡服務落力啲,其實我話你知,咁做反而令囡囡更討厭,覺得對方口花花,無句真心!」螢螢講真心,莫非你落床又好真心咩?

螢螢 Profile:

三圍:34-23-33

身高:5呎4吋

撰文:祖 攝影:章