立法會食物安全及環境衞生事務委員會，尋日討論漁農自然護理署增設一名首長級薪級第一點嘅首席獸醫師，負責檢驗及檢疫部門，協助助理署長工作，專門監督禽鳥同豬隻情況，防止又爆禽流感同豬流感。點知王國興提出要首席獸醫師關顧吓大嶼山流浪牛嘅福利，佢話收到大嶼山巴士公司司機反映，流浪牛成日阻住條窄窄嘅行車路，搞到巴士左閃右避。
佢質問話，政府仲唔做嘢，唔通要搞到車毀牛亡、人死車翻先突然醒悟？
