過江女神：早晚熱吻嘴唇夠滋潤

最近天氣又凍又乾燥，唔少人嘅嘴唇都出現爆坼，又紅又痛，就算你再搽啲乜嘢名貴護膚品落去都冇用，所以事前一定要好好保養。今日介紹嘅過江女神，佢就話有一個好好嘅方法，可以滋潤嘴唇免爆坼喎！

聽教聽話

呢位咁有辦法嘅囡囡，係嚟自至×桑拿嘅曉敏，今年只得19歲，可以話十分年輕，絕對係90後嘅美女，問佢有乜方法可以滋潤嘴唇。佢話：「方法好簡單，就係每日早晚同男朋友熱吻十零分鐘。」乜同男友熱吻有用咩？曉敏話：「記得以前個男友，就住喺我隔籬屋，我哋早晚一見就熱吻，每次都係十零分鐘，嗰年冬天，乜嘢潤唇膏都唔使搽，都一樣冇爆坼。」除咗熱吻外，仲使唔使做其他嘢呢？

曉敏話：「當然唔使，我哋每日返學前，就喺後巷接吻，放學後就喺圖書館後面親熱，期間我只畀佢抱住我，但雙手唔可以唔規矩，否則冇得接吻。」個男仔咁聽話，真係要攞佢嚟研究吓！再問曉敏萬一有日冇接吻，又會出現乜嘢問題呢？