政情：黃偉綸魯恭同遊蘇梅島

就姚珏明日始出發

問黃偉綸今個聖誕節同新年會否外遊，佢話明日就會同魯恭等幾個家庭出發到蘇梅島旅行，過番一個熱辣辣嘅假期，享受陽光與海灘，好好哋Hea番幾日抖吓喎！至於點解揀公眾假期後出發，黃偉綸笑笑口話：「魯太姚珏嘅音樂會喺廿七日先至完成演出，所以咪廿八日出發囉！」

港區人大代表馬逢國、立法會議員林健鋒、貿易發展局總裁林天福及滙豐亞太區行政總裁王冬勝前日都一齊嚟捧姚珏場，馬逢國就高興話，欣賞完音樂會後會到機場接機，佢喺美國威斯康辛州讀大學嘅女兒放假回港，問佢送乜嘢聖誕禮物畀女兒，佢就話：「返到嚟先諗啦，一家團聚就係最好嘅禮物啦！」

姚珏	王冬勝（中）、林健鋒（右）嚟捧場，魯恭親自接待。