探射燈：龍頭醫院 九流設備
年近半百的盧寵茂至今只做過一份工，便是在瑪麗醫院做了四分一世紀，多年來克盡己任救人無數，卻謙虛地說：「醫生都是人，不是神！」當訪問快將結束，按捺良久的盧寵茂終於忍不住地說：「人人話瑪麗係龍頭醫院，但我對佢嘅未來真係好擔心！」多年的積壓似乎要在今天盡吐。
盧寵茂直指，醫院設備欠缺，不但人手不足，連給醫護人員休息的空間亦簡陋得只有數張膠櫈，「我哋唔係要豪華享受，但企咗十幾個鐘，起碼都要有張梳化！」盧表示，從事肝臟移植早期，往領取捐肝時並沒有交通工具安排，靠的是駕駛自己的車輛，及後才轉用救護車，爭取了十多年，至近期才獲安排一輛七人車，說罷盧寵茂面上顯得十分無奈。
保育宿舍空置多年
最令盧寵茂感到挫敗的始終是醫院設備不足，「話係龍頭醫院，設備真係九流，我帶人哋嚟參觀都覺得醜！」另外醫院內護士宿舍因要保育而空置多年，令盧寵茂大感痛心，「其實嗰度應該起一個新嘅醫學大樓，就一味話保育又唔拆得，我都唔知到時啲保育人士有病，係要保育定係要醫病！」