店舖霸路擺貨阻礙途人
店舖佔用行人路擺放貨物禁之不絕！王先生指牛頭角安德道一帶有商戶常將貨物、棄置紙箱等雜物擺放行人路，令途人難以前行，「嗰條路已經唔係闊，佢哋仲放咁多嘢喺度，即係逼我哋行出馬路啫！」
食物環境衞生署發言人表示，職員巡查時發現有檔戶將貨品擺放於行人路造成阻礙，並已檢控負責人。鑑於覆查時，該署人員仍發現部分檔戶於行人路擺放貨物，遂再次提出檢控。該署會繼續留意上址情況及採取適當行動。
當區區議員黃偉達建議當局與商戶加強溝通、解釋相關法例及違法後果，倘屢勸不改，當局或要考慮採取更嚴厲的執法措施，以收阻嚇作用，「有啲舖頭唔止一次畀人檢控，如果檢控極都無改善、都唔肯自律，可能真係要出動到取消牌照等等嘅行動。」