事源天文台前日下晝兩點八左右，錄得一次強度黎克特制二點八級地震，做咗初步分析後，天文台拿拿臨響三時十六分出稿，仲發出「強烈地震」訊息。咦？何來強烈地震？天文台知道寫錯嘢後，發出新聞稿補鑊，修正為「輕微地震」。尋日問起此事，李本瀅話係手民之誤，可能職員心急打錯字，又話知道出錯後好快更正，但都要同市民講聲唔好意思。
對於審計報告批評天文台科學主任幫電視台報道天氣要收額外津貼，李本瀅強調天文台立場中立，但就話天文台人手編制無預算科學主任要「招呼」電視，科學主任好似一般人咁要返足咁多個鐘，要額外應付電視台報天氣工作都幾辛苦喎。