違泊嚴重警執法慢幾拍
違泊問題不但阻塞通道，更有礙交通安全。張先生發現，葵涌大白田街有行車路常被佔用停泊維修車輛、造成阻塞，「馬路用咗嚟泊車，搞到啲車唔夠位要駛過隔籬線，分分鐘撞車都有之！」
張有指附近亦有街道設置不准停車等候告示，但仍常有車輛違泊，「成日畀人當做泊位，咁耐都未見過有警察抄牌！」
曾接獲居民反映上述問題的葵青區區議員林紹輝認為，事件涉及駕駛安全，警方必須正視，「唔可以淨係收到投訴先至理，平時唔理結果就搞到愈嚟愈嚴重，等到有意外發生就太遲啦！」林促警方加強執法，並以檢控行動嚴懲違例者。
警方發言人指出，接獲轉介後已即派員到上址採取執法行動，並向違例停泊車輛發出合共十一張定額罰款通知書。警方會繼續密切留意上址情況及加強巡邏。