袋巾傑尋日喺一個專畀政界人士交心嘅電台節目上，大談自己喺大學時期，曾經連續三年暑假同朋友孭起背囊走遍神州大地。佢憶述，當時內地仲係用緊糧票，佢哋每次用糧票喺街邊食檔開飯時，都會惹來好多當地人圍觀，等食佢哋嘅「二手飯」，令佢個心好唔舒服。佢又話當年去大陸玩足一個月只需三千蚊，所以佢都應付得嚟。不過，八十年代嘅三千蚊都唔嘢小，佢仲去足三次，睇嚟都唔係學生刻苦團。
袋巾傑曾經喺○七年代表泛民參選特首，不過佢似乎冇乜興趣喺一二年encore。佢話當年出選係為咗令港人反思佢哋嘅選舉權利，認為香港人唔係咁蠢，同一個議題唔使玩兩次喎！