自由黨現任副主席張宇人同「未來」副主席田北辰呢兩名核心，尋日又公開爆發罵戰。「廿蚊張」早前力撐大家樂將員工食飯時間有薪變無薪嘅變相減薪做法，惹來田二少非議，直指廿蚊張嘅言論唔代表該黨立場。廿蚊張其後反責田二少唔係做飲食業，又成日出外公幹唔喺香港，唔知道業界咁多嘢。
田二少尋晚再次接受電台訪問炮轟廿蚊張，並聲言會加入罷食大家樂行列。一個政黨搞成咁，係咪要檢討吓呢？
