法庭：稚童問父 媽媽有冇得救
【本報訊】無業老夫涉嫌錘殺少妻案，控方昨播放五十八歲被告李官發的錄影口供，揭露兇案起因。被告指稱死者一直想將五歲兒子送予鄉下弟弟，又語帶挑釁，叫兒子「唔好嗌佢爸爸，佢唔係你爸爸」，雙方為此爭執釀成兇案。兒子當時目擊爸爸狂襲媽媽一幕，事後曾問「媽媽有冇得救，會唔會死？」被告則推說會帶死者看醫生。
「你係幫我睇門口嘅狗」
被告被指在去年十二月十三日早上殺妻後，至十四日晚上自首，警方即時替他錄口供。他指稱死者黃惠珍（卅九歲）「成日話要帶我個仔畀佢細佬做仔」，故一直將死者的旅遊證件藏起。案發日兩人為證件爭執，死者叫兒子「唔好嗌佢爸爸」，又對被告說「你不過係幫我睇門口嘅看門狗，幫我睇大個仔嘅工人！」
被告指死者之後拿玩具擲他，又拿出鐵錘擊傷他手臂。被告向警稱「最憎人搵嘢威脅我」又指「我係驚佢唔死得，一句講晒！」故當時遂奪錘還擊打死者，並怒喊：「你想我死？我一定搵你墊底！」
被告續指，兒子當時在場見狀，不斷叫「唔好打唔好打」，他遂抱子到露台並拉下窗簾始返屋內。他又指「明知落第一錘，就返唔到轉頭」，索性繼續狂錘打死者，之後見她仍有心跳呼吸，更「成個跳起跪落佢心臟」並以手「扣」她喉嚨至氣絕。之後他將屍體拖到廚房用床笠蓋住及清理血漬後，才把兒子帶返屋內。
兒子一度問他「媽媽有冇得救，會唔會死？」他則安慰指剛才「同媽媽玩」，又說會帶她去醫院，之後便若無其事和子看電視。翌日送子上學後，便準備「搬走條屍」，一度想肢解屍體「分開兩截」，但用菜刀斬了死者膝蓋及腹部幾下「見到啲腸」，最終因手傷乏力無法斬開骨頭而放棄。
案件編號：HCCC 128/2010