「將泥鋪滿紙盆的三分二，挖個窿放入菜苗，再冚少少泥上面，剛剛過咗根就得，淋第一次水融和新舊泥，淨係淋棵苗好喇，技術好嘅淋完水個盆都唔會濕㗎！」一眾城市農夫留心聽從馮志輝講解種菜技巧，這是都市梯田首次讓街坊參與種植，參加者大多是一家大小前來，將種菜變成親子活動。
「我朋友喺粉嶺都有自己嘅田，但帶小朋友去太遠，呢度近小朋友學校，放咗學就可以嚟淋水！」唐太說，曾想過在新界租田，但路途遙遠而打消念頭，今次都市梯田位置在女兒幼稚園附近，正好讓四歲的小女兒一同參與，其女兒坦言最喜歡種草莓，希望有好收成與父母分享。
林小姐亦帶同三歲的姨甥參加都市梯田計劃，在自己的小小田地內，種椰菜花、草莓、菠菜等，她指小朋友在城市內甚少機會接觸大自然，在鬧市中的農田比較方便，讓小朋友嘗嘗當農夫的滋味。