政情：何俊仁轟陳德霖靠嚇

金管局尋日向立法會匯報新一季工作報告。面對樓市炒風熾熱，年輕一代買樓難，金融局總裁陳德霖尋日喺會議上，卻只係識得講現時環球金融環境好唔正常，好唔平衡，叫市民置業要量力而為等「行貨」話，但又冇實質應變措施提出嚟。白鴿黨主席何俊仁聽到一肚氣，忍唔住批評陳德霖只係識得「出口術」靠嚇唬，但對住炒家又軟弱無力，要求政府研究稅務措施，遏抑樓巿泡沫。