專業分析欠奉 表現不及任志剛

陳德霖昨日在會上強硬表示，現時全球金融環境「好唔正常」，亦不可能長期維持，調整必會出現，屆時經濟或出現大震盪，呼籲市民做好準備。面對外界批評港府及當局無力遏抑炒風，陳德霖只搬出「市民置業時要量力而為」、「當局會在適當時候推出新招」等陳腔濫調回應，卻未見有實際對策提出。

陳腔濫調 「金融市場變化萬千」

工業界議員林大輝昨日直言，大眾的金融知識有限，冀陳德霖能提出專業意見，協助市民分析，所以才追問他樓市何時會「爆煲」及銀行利息何時會掉頭上升等。豈料陳德霖竟表示，金融市場變化萬千，「上年十一月，大家都話美元會貶值，但過幾個月歐洲債務危機又令美元上升，所以好難預測，唔係估中咗就係專家意見。」更笑言林大輝「有更多金融界朋友可以畀專業意見」。

民主黨涂謹申批評，陳德霖作為金管局總裁，對金融卻欠缺分析及判斷，無力對社會起穩定作用。涂謹申發言時更不忘「緬懷」前任總裁任志剛：「認識任先生多年，佢喺呢個場合會畀到多啲判斷同估計，會講多啲分析，我哋就係希望聽到呢啲嘢。」