政制及內地事務局局長林瑞麟尋日出席立法會政制事務委員會會議時，就畀議員追問相關事宜，佢只係話今個月尾會提交政改方案本地立法嘅草案，至於取消委任制係會分開處理。啲議員三番四次追問幾時處理呢？林D9仍然做好佢「人肉錄音機」份工，都係話係分開處理嘅，但加多句：因為有先後次序㗎嘛！咁講，即係又拖啦。拖得就拖嘅，仲有就防止立法會議員辭職再參選所採取嘅措施。堂堂一個政府，原來可以唔多守信用。
跟住一直咬住行政會議成員劉皇發漏報事件嘅白鴿黨副主席劉慧卿，追問係咪會調查呢單嘢，但林D9話調唔調查發叔嘅事件，要由特首辦負責喎。