政情：沈祖堯做校長為作育英才
中文大學沈祖堯接受最新一期《中大校友》刊物專訪，不時提及佢做人的大方向，原來深受良師影響。佢話佢做校長係為咗作育英才，希望學生受佢嘅影響，正如佢亦受一位「一生行醫、兩袖清風」嘅老師影響一樣。
講到高等教育嘅籌款文化，沈校長又引用清華大學前校長梅貽琦嘅說話：「所謂大學者，非謂有大樓之謂也，有大師之謂也。」即係話大學教育不能單着眼於起多幾間教學大樓同財務穩健，而校長嘅表現，亦不能單憑佢籌款夠唔夠多而決定優劣。
沈祖堯話中大校友對母校特別有歸屬感：「畢業幾十年嘅老校友，仲同我講佢係邊間書院嘅校友。」最近一次佢去馬來西亞講學，同當地校友食飯敍舊，竟然坐滿六、七張枱，呢件事令佢感受到校友對中大嘅感情。