政情：英皇珠寶展星光熠熠到賀
英皇鐘錶珠寶上星期四喺北京柏悅酒店舉行一連三日嘅「2010英皇珠寶精品匯展」，展出一系列嘅名貴珠寶首飾，並由模特兒佩戴展示獨一無二或限量發售嘅稀世珍品。
13卡完美裸鑽矚目
呢次鑑賞會現場所展示嘅珠寶鑽飾，皆為點睛之作，單係一顆超過十三卡、顏色淨度達到頂級完美級別（DIF）嘅裸鑽，場中嘉賓睇見都讚嘆不已。
英皇有盛大活動，除咗英皇集團主席楊受成以及英皇鐘錶珠寶董事總經理楊諾思到場出席外，呢次大型精品展亦得到國際品牌LVMH鐘錶珠寶亞太區總裁夏銘鶴及中國區總經理翁秉嫻遠道而來道賀。
一眾名媛、商界名流、演藝明星如著名大導演馮小剛、姜文等亦紛紛到場支持。英皇證券集團董事總經理楊玳詩更親自與其貴賓名人一同出席是次盛事，可謂星光熠熠。