政情：廢法難免邱騰華死亡倒數

一個堆填區令行政立法關係陷入歷史冰點，分分鐘要對簿公堂，環境局局長邱騰華責無旁貸，之但係佢一直死唔認衰，淨係識錄音機式要求議員支持。尋日立法會主席正式批准公民黨陳淑莊聽日提廢法議案，邱騰華又出嚟播帶，話會繼續以負責任嘅態度，處理尋日及今日嘅堆填區問題喎。佢今次口快快露咗底，星期三對佢嚟講係一個死期，喺呢兩日，趕緊拉票最緊要。