政府雄心勃勃申辦亞運，不過大拿拿要花成逾四百億元，難怪各黨各派群起反對，搞到政府焗住落區動員，爭取支持。點知民政事務局副局長許曉暉尋日落屯門區議會拉票時，就畀民建聯區議員陳雲生狠批佢冇心肝，嘲諷政府每次自知數唔夠票，先至肯紆尊降貴落區會「收集民意」，其他時間就懶懶閒。佢仲老實不客氣揶揄話，如果政府事事都咁積極做諮詢，社會就唔會有咁多怨氣喎！