領匯趕絕長者冇櫈坐
休憩設施不足，長者苦無櫈坐！鄭女士指樂富廣場自從完成大型裝修後，只餘兩排露天石櫈供長者歇息，「以前試過有高空擲物整傷人，之後就冇人夠膽再坐，啲老人家惟有自己帶櫈去有蓋地方坐，點知領匯又話唔畀！」
領匯發言人指出，樂富廣場現有石櫈供公眾人士使用，管理處亦計劃十月中旬於二樓公共地方增建座椅。
不過，當區區議員陳偉坤直指領匯漠視長者訴求，促盡快於有蓋空間增建座椅，「樂富有好多老人家住，未裝修之前係有多啲地方畀佢哋抖涼，坐到唔夠就自己帶櫈坐。」不過，自完成裝修工程後，座椅卻「買少見少」，「老人家出嚟坐，唔使屈喺屋企，人都健康啲，裝修完冇櫈畀人坐，簡直係歧視老人家。」