交通諮詢委員會換帥，前大律師公會主席袁國強由下月一日起接替資深大律師鄭若驊出任主席。鄭若驊尋日開完最後一次交諮會，功成身退，被問及六年任期內最棘手事件，佢話，係○五年爆發嘅東九龍大塞車，政府責成佢率領小組調查事件，喺短時間內完成報告，當時佢剛走馬上任，對交通範疇未摸通透，於是要學香港學生填鴨式背書，生吞硬啃大量資料，令佢至今難忘。
