行政會議成員兼鄉議局主席劉皇發被踢爆買樓無向行會申報利益,結果被政圈內外夾擊,連建制派自己人都乘機抽水,相信手尾都好長吓。卓妮尋日中午咁啱喺中環置地廣場間COVA餐廳遇到另一行會成員張炳良等人食晏,仲一邊等一邊睇手機,於是上前問吓佢有冇漏報身家。張炳良聽完後定一定神、然後笑笑口話:「第一,我無乜身家喎;第二,我嘅身家資料早已向行會申報得清清楚楚!」即係無手尾跟囉。
(葉華英攝)