中環出更：中大科館揭幕霍家傾巢撐場

尋日朝早十點幾，霍家次子震寰同囝囝啟文一早現身，霍震寰原本喺北京參加中華海外聯誼會嘅年度大會，但為咗今次盛事特登「請假」返港。其後佢太太霍陳琪琪同囡囡思緯（Melissa）攜手來到，兩母女斯文淡定，不約而同手挽Hermes靚袋。霍太話鍾意呢個牌子夠classic，佢個袋係三十五吋淺啡色，而Melissa就鍾意黑色三十吋，襯晒佢哋唔張揚嘅性格。

捐四千萬興建

卓妮問起Melissa依家做緊乜嘢，媽咪笑言唔方便幫囡囡發言，叫卓妮直接問佢。小妮子對住記者有啲緊張，但好有禮貌咁話，依家喺外面打工，又學緊設計相關嘅嘢，遲啲有新消息至同卓妮傾。佢見卓妮被悶熱嘅天氣搞到流晒汗，Melissa仲好善解人意咁攞張紙巾畀卓妮抹汗，難怪個個都讚佢家教好。

霍家子孫齊齊在霍英東銅像旁拍照留念。前排右起：震霆、麗萍、震寰、震宇，仲有前排左起嘅文遜、麗娜。後排右起：啟山、啟文、思緯、陳琪琪、麗萍老公。（麥潤田攝）

放大圖片

Tim霍嘅二仔啟山陪住爸爸嚟，霍家大家姐霍麗萍同外籍老公、囝囝亦齊現身；再加埋霍英東二房、三房子孫，逼到科學館水洩不通。霍英東遙感科學館係霍英東生前捐贈四千萬元興建，為中國南方最重要嘅衞星遙感研究設施，佔地逾二千平方米。主禮嘉賓中國科學院專家郭華東話，設施有助監測自然災害、城市建設情況，與內地有關設施起互補作用。

中大校長沈祖堯（左）向霍震寰致送紀念品。	霍震寰夫婦（左二、三）同囡囡思緯（左一）、囝囝啟文一家四口齊現身。	尋日揭幕嘅霍英東遙感科學館，位於中大校園最高點。

卓妮