有「紡織女王」外號嘅行政會議成員楊敏德（Marjorie）日理萬機，生意同公職兩頭忙，除咗每周二要開行會外，仲要兼顧理工大學校董會主席工作，好彩佢搵到個科技好幫手。卓妮尋日見Marjorie同李業廣開完行會離開時，手上攞住部iPad，行得相當瀟灑。梗係啦，部機可以儲存晒政府幾吋厚嘅開會文件喎，輕便又好用，而且夠晒環保。相反，其他行會成員仲捧住一大疊文件去開會，其實使乜咁辛苦吖！
