【本報訊】「估唔到警署嘅保安仲渣過普通大廈，簡直係笑話！」上水警署竟被人輕易攻破保安防線偷衫，立法會保安事務委員會委員王國興批評，即使警署周圍裝設監察系統，但若無人監控，根本形同虛設，今次更被人擅闖警署室內範圍犯案，可謂「非常搞笑」。
消息稱，上水警署較早前曾發生警服失竊案，警方正調查是否與被捕疑犯有關。過去本港多間警署亦發生類似「無掩雞籠」事件，○五年灣仔警署疑因電閘故障長開，被一名紋身漢潛入警署範圍宿舍大樓五樓天台跳樓身亡。去年旺角警署亦有一名男子，警員開電閘時，乘機衝入直登警署二樓企圖跳樓。