南區區議會補選告一段落，公民黨司馬文贏匯賢智庫劉應東差不多四百票，泛民對建制嘅六四比黃金定律再次重現。身為劉應東師傅嘅匯賢智庫立法會議員葉劉淑儀對於今次滑鐵盧有感而發話，佢為咗保持中立形象先至無搵其他建制派幫拖，相反泛民就集中火力，公民黨元老又空群而出，慨嘆自己雙拳難敵四手！至於有無影響佢對下屆立法會超級區議會議席嘅部署，葉太就斷然話無，且看佢二○一二年會否循超級區議會參選立法會。