政情：林D9頂更背書過骨

林D9除咗畀記者問到銀行涉嫌轉移資料去其他合作機構件事之外，仲有人問到佢國家「十二五規劃」之中有乜貢獻、香港同深圳點樣合作開發前海、香港有乜優惠可以吸引內地台商去香港上市、郵輪經濟同郵輪碼頭發展、福建同香港合作嘅具體合作設想同建議等。林D9雖然係港府中主責內地事務嘅官員，但呢啲問題既技術性，涉及範疇又廣，一個唔覺意答錯貽笑大方，估唔到佢唔只答得到，仲提供好多實質數字添。林D9今次冇失禮，有理由相信佢唔止播帶叻，背書都有番咁上下。