中環耳目：鍾偉平「樂意」鋸扒廿年不厭

厚燒多汁 海鹽調味

鍾偉平入行三十五年，憑自己努力由紅褲子搖身一變為上市公司主席，佢嘅成功故事係一個香港精神嘅樣辦。即使成為億萬富豪，佢嘅心態都好平實，佢話：「講心嗰句，現實生活係晏晝食大家樂叉燒飯，有時夜晚都係。」不過有時想轉吓口味，佢必定去灣仔樂意扒房鋸肉眼扒或西冷扒。咁啱香港奧委會副會長劉掌珠聽到佢同卓妮傾偈，好興奮咁加入話題，原來佢都係樂意擁躉。

樂意由楊家三兄弟打理，佢哋好感激鍾生咁讚賞，笑稱佢哋睇住鍾生發達添！其中負責廚房嘅William話，鍾生最鍾意食十二安士靚牛扒，厚燒零舍多汁好味，每客盛惠四百六十元。佢哋嘅牛肉來自美國內布拉斯加州，肉質一流，所以唔需要落任何醬汁，只需灑啲靚海鹽就已經足夠！

扒房由三兄弟分工合作，但三人中無一人叫做Louis。

十二安士美國Prime Grade肉眼扒。