開學在即冇書上堂
中、小學生本周三齊齊開學，教科書當然不可或缺，眾人趁暑假最後一個周日蜂擁到書店購買，但多款教科書售清及未趕及印製而「無貨賣」，當中以作業本、新高中選修科課本特別缺貨，家長要為買書頻撲，有家長走遍四、五間書局，尚欠六本教科書，又有家長遠道從屯門到旺角買書，嘆「為咗一百幾十蚊書，走足幾轉，車錢都蝕埋！」
旺角漢榮書局昨擠滿趕在暑期完結前買書的家長及學生，不少家長說走訪他區數間書局仍未能買齊書，故到該店一試，慨嘆撲來撲去好辛苦，店舖外則有一群其他書局的暑期工，不停向家長兜售生意，門庭若市。
「無人一次買得齊書」
漢榮書局董事總經理石漢基表示，暫未見有出版社缺貨，但因家長同一時間搶書，即使一日兩、三次補貨，仍未能應付所需，故會出現短暫缺貨情況，「今年無人試過一次買得齊書！」
他續稱，部分教科書仍未到貨，如朗文出版社的商科選修單元課本、卓思出版社的中一及中三電腦課本等，因該些課本流通量不大，出版社傾向押後印書，「估清楚學生數目，出版社風險小啲，但家長就辛苦啲。」他相信一、兩天內會有貨。
「已經第四轉，仲差六本，話未出版或者賣晒！」鄭太與中五兒子趕到書店買書，但仍然欠缺新高中企業、會計與財務概論選修單元課本、數學科作業等，鄭太表示同班同學亦有多人未買齊書，故此開學後要再到書局嘗試。
另一位家長曾太說本已透過書局訂書，以為萬無一失，誰料書局最後指其中數學、英文科作業無貨，她惟有四處撲書，但走遍三間書局仍未買齊，「好辛苦！傻㗎！訂咗都可以話無貨！」
中六生家長陳太從屯門來旺角找書，還欠一本中文科作業，「連埋參考書要五千五百蚊，好貴！又貴又買唔齊！」而中二家長劉先生特意在暑假尾買書，以為會一次過買齊，「點知都係差兩本！」