處理急事領匯職員僵化
林太與友人早前途經秀茂坪商場時，發現有長者褲管滲出鮮血，即時與長者同往大堂通知職員，並要求報警處理，惟職員只不斷追問血漬位置，又喝斥林太等人離開，「佢哋淨係識得問邊度有血，一直唔肯講報咗警未，又喝我哋走，佢哋究竟識唔識處理突發事件？！」
領匯監察發言人陳寶瑩批評領匯制度僵化，處事欠缺「人性」，「有咩理由淨係掛住清理現場？我相信上層畀咗好大壓力前線嘅職員，搞到佢哋只顧門面工夫，連最基本嘅應變都做唔好！」
領匯發言人表示，當日保安員知悉事件後，已即時致電報警，同時協助護理傷者及疏導圍觀人士，安排清潔工清理血漬。發言人強調，會優化前線員工處理突發事件的應變措施。