政情：黃進達實戰神情哀傷
好多人都話少爺兵能力唔及紅褲子出身嘅員工，不過一竹篙唔可以打沉一船人，好似下月一日接替劉美詩出任康泰董事總經理嘅康泰老闆黃士心兒子黃進達(Jason)，呢幾日因為菲國挾持事件，同劉美詩忙於處理有關事宜，連劉美詩出嚟見傳媒，佢都坐喺一邊當係實習。說實在，實戰幾時都重要過紙上談兵，尋日Jason代殉職領隊謝廷駿接受新界社團聯會同新界青聯嘅捐款時，一身黑色西裝嘅Jason神情嚴肅，盡顯哀傷。
Jason話，今次不幸事件，同佢接班沒有關係。佢話做旅遊預咗會出現好多突發事件；發生咁嘅事，佢依家心情仍然沉重，但都想盡快處理好件事。Jason仲好大體咁話，今次唔好嘅經歷係好難忘嘅經驗，不過相信全港市民都希望今次嘅實戰經驗，佢永遠都用唔番！