政情：雙陳轟菲警肥笨又無能

健波憶述十年前曾到過馬尼拉參加保險會議，印象都係一般，事關飯店門外有人持槍把守，去參觀博物館時，門外又豎立告示牌，叫參觀者入場前把槍械放低，後來才知道原來周街都有槍械咁危險，而且貪污嚴重，總之感覺唔係咁好，所以無乜事都唔會再去菲律賓。

外號「金刀梁」嘅泌尿科醫生梁智鴻前晚參加私人宴會期間，都有用手機留意最新事態發展，成晚思潮起伏，估唔到發生咁嘅慘劇。金刀梁又話，今次慘劇係人禍，無論善後工作做到幾咁好，生命都無法彌補，佢希望傷者盡快痊愈。