「我最近發咗個夢，知道自己喺手術枱要做手術，好開心好興奮，不過突然問自己點解仲有知覺，好擔心個手術會有咩意外。」卅歲的Yannes，現正等待評估結果，排期做變性手術。
說起手術，Yannes難掩興奮。「因做完手術，傷口未好番，所以要用衞生巾，啲朋友笑我，成世唔嚟M（月經），一次過嚟成個月，開心死你啦！」Yannes指，年幼時已喜歡玩煮飯仔及跳橡筋繩，因女性化的舉動，她在年幼時常被人稱呼「乸型」。
「唔開心之餘，更加覺得自卑，好似差人一等咁。」Yannes為逃避奇異目光，曾只做男孩子的事，惜事與願違，「中四跟個同學玩健身，但見隻手臂粗咗，就放棄啦！」
Yannes對性別的問題經歷了多番掙扎，當她經歷了親人離世，就更令她決心要當一個女子，「唔想生命中有遺憾，點解唔可以喺有生之年做番自己呢？」不過，Yannes的決定卻難抵家人激烈的反應，與家人交代變性一事時，家人很激動，「我都明白屋企人感受，唔會頂頸，我明白要人哋接受，係要用時間換番嚟。」
變性的決定更驚動公司上下，Yannes指出，同事自了解她的情況後，也接納了她的決定，「同事一句：『點呀師姐？』都代表佢哋認同我，有女同事更鼓勵我去女廁，好感動！」手術在即，Yannes此刻希望本港可以打破慣例，讓變性人可與心愛的另一半結婚，過正常人的生活。