肺癌阿倫瀕斷藥再求援
二手煙帶來的禍害，陳炳倫最清楚不過。五十五歲的阿倫不煙不酒，一次感冒求醫，竟換來患上末期擴散性肺癌的噩耗。儘管冷水澆頭，但阿倫仍在家人鼓勵下，耗盡積蓄治病，惜仍未能治愈頑疾，在絕望邊緣惟有向東方日報慈善基金求助。期間雖獲善長捐款支持，可惜病情反覆，至今仍未能擊退癌魔，但近十萬元善款又已耗盡，再度面對斷藥危機的阿倫亟待善長伸出援手。
「我唔食煙，但做我哋呢行，好多人都會叼住口煙，上到車都係咁食。醫生話吸人哋嘅二手煙仲慘過自己食!」任職貨櫃車司機的阿倫身體一向壯健，兩年前發現感冒久未痊愈，加上氣促不止才驚覺有異，「以前冇試過成個禮拜都唔好，嗰日揸揸吓車條氣好扯，頂唔順先至的起心肝去睇醫生。」結果一驗之下，才知悉原來已罹患肺癌。
阿倫與母親同住，一直為家庭經濟支柱，每日早出晚歸，工時往往長達十五小時，「我哋揸車呢行冇收工時間，做晒啲嘢至走得，可惜依家想做都冇得做，醫生話有咗呢個病就唔可以做咁長時間嘅工。」阿倫為接受治療而辭掉工作，更提取強積金及積蓄以應付每月一萬二千元至一萬八千多元的治療費用，「啲藥咁貴，筆積蓄眨吓眼就用晒。」
母離世前未告知患病恐擔憂
為免母親擔心，阿倫直至母親離世仍未有告知患癌一事。失去工作及耗盡積蓄後，阿倫變得身無分文，只靠傷殘金過活，「我唔想拎綜援，搵咗份返幾個鐘嘅揸車散工嚟做，生活掹掹緊，但係就冇錢買藥醫，如果再擴散，就連散工都做唔到。」對於過去獲善長捐款協助購買自費藥物一事，阿倫感激地說：「因為有善長幫手，我至可以生存到依家，希望佢哋可以繼續幫忙。」
捐款編號：11515
記者 莫麗珊