探射燈：曾感無比壓力 堅持信仰
「同大家傾開，先發現我哋好多時候都有一個願望，就係突然發生車禍，一覺醒來，醫生會好遺憾咁同我哋講：『下面因為嚴重創傷，保唔住啦！』我諗如果係真，我會即刻笑出嚟！」Joanne自小討厭男性身份，卻因世俗眼光，竭力將自己的女性一面埋藏於心底。
「以前試過有朋友上我屋企，見我有咁多毛公仔，笑咗我兩句，我之後就收起晒啲公仔！」Joanne明白朋友是開玩笑，但她很介意被發現自己的「真性情」。
藉祈禱重新建立自信
Joanne曾以男性的身份與女性拍拖，但表現難以稱職。有一次，Joanne和女朋友在家中吵架，更凸顯雙方的期望不同。「我喺房入面，等緊佢嚟氹我，其實我知道作為男性，我係要主動去氹佢，最尾講咗兩句，我哋就好番啦。」
雖然Joanne盡力滿足外界對她的期望，但她仍不斷反省。Joanne在網上認識了不少同路人，並鼓起勇氣尋求協助。與其他變性人一樣，經過醫生診斷後，Joanne卻頓感到無比的壓力，「知道可以做手術之後頭一個月，真係好緊張，坐唔安、食唔落，無晒動力去玩，只係瞓覺，更叫醫生停咗個手術。」Joanne後來通過催眠治療及祈禱等，以一年時間重新建立信心，成功踏上變性之路。
從男性到女性，對常人而言已經不容易，更何況是自小信奉基督教的Joanne，阻力更大。「雖然牧師同我講，我哋呢類人唔會有好結果，但我從來無質疑過我嘅信仰。」Joanne變性後，加入了同志教會，「我希望以我呢個身份服侍神，作見證同人分享。我喺經文中睇到啟示，領會到神在不同人身上，都有不同計劃。」
