中環出更：張建東五度一桿入洞

英公開賽 大發神威

尋日卓妮難得遇到Marvin去香港會食晏，見佢清減咗好多。原來佢早前同太太、朋友一齊去法國旅行兩星期，由於食得太多，足足肥咗七磅，之後努力瘦身，跟住又去英國參加滙控董事會會議，順便參加St. Andrew高爾夫球公開賽當做運動，最好成績打出七十二桿，更意想不到再次打出一桿入洞佳績。

Marvin憶述話，第一次打出一桿入洞喺三十年前，當時只係學咗高球兩、三年，所以純屬好運。第二、三、四次一桿入洞都係近幾年嘅事，全部發生喺粉嶺高爾夫球會，所以呢個場稱得上係佢嘅福地。不過，Marvin話今次衝出香港、喺英國發威好開心，但無喺當地請食飯慶祝，希望返香港再搞。