閘機傷乘客港鐵冇道歉

港鐵閘機再變傷人武器!鍾小姐早前在港鐵火炭站擬推嬰兒車通過活板闊閘機時,閘機板門突然緊夾其腰部達一分鐘,令鍾痛楚難當,「感應唔到有人過緊咩?設計好有問題,啲職員仲暗示我唔識用,連道歉都冇句!」鍾指此後過閘均會摺起嬰兒車並高舉小孩才敢過閘。

港鐵回應事件時指出,闊閘機設有安全感應器感應過閘乘客,堅稱乘客如在感應範圍內,活板會保持打開,又表示若閘機另一端有乘客進入閘機,即時發出聲響及顯示紅色交叉燈號警告。不過,對於被指閘機誤當嬰兒車為「另一端乘客」引致強行關活板的指控,發言人則未有回應。

立法會交通事務委員會委員葉偉明斥責港鐵闊閘機多次發生傷人事件,應盡快檢討設計問題,「如果下次夾正人哋嘅傷口、或者夾親大肚婆點算?唔可以話閘機正常運作就當解決件事!」