幾時都話，為咗搵食，兄弟都冇情講。但喺脫星界，竟然有位叫Monica Mayhem嘅索女，出心出力幫一眾後輩上位，阿妹更親自揀蟀帶佢哋過美國發展，真係用心良苦喎！
撰文：賢
喺美國跑咗近十年嘅澳洲脫星Monica Mayhem，近年甚少接拍四仔、連公開活動都鮮有出現，四仔迷仲以為佢引退。但阿妹就話仲未玩夠，誓要成為老中青男人都嗌正嘅脫星至肯收手喎！能夠屹立歐美四仔界咁耐，阿妹的確唔嘢小，除咗樣靚身材正，人緣亦非常重要，而當事人亦表示，四仔界係群體工作，即使係一姐都應該忠厚啲喎！「其實未入行前都知自己好索，加上表演欲強，因此決定飛過美國當脫星，而我嘅努力亦得到回報，短短一年時間，美國影迷已對我印象深刻。但我冇因為咁而飄飄然，反而更加努力，抱住互相尊重態度處理好每一部戲！」
Monica Mayhem廣受四仔迷歡迎，早已成為當紅脫星，理應吸引不少同屬澳洲籍嘅姊妹借鏡，從而過美國搵食，但事實係澳洲妹少之又少，連阿妹都嘆息話：「呢一代嘅後生仔女實在太懶散，唔想付出就要收穫，記得我初入行時，已為自己訂下目標，假如三年內未能成為一線脫星，就必定會離開業界，即使人紅後亦會不時檢討，好似現在經過十年時間，喺角色上亦要適合自己，咁至會長做長有！」Monica Mayhem講得啱，由於阿妹年紀唔細，所以唔會再扮青春少艾，通常只會選拍人妻角色。阿妹話：「觀眾睇得舒服，我又演得開心！」但同時阿妹亦覺得有青黃不接現象，所以決定趁暑假回鄉，挑選有潛質嘅脫星過美國發展！「我想趁自己喺四仔界仲有影響力時，可以幫後輩一把，令外界知道澳洲亦有不少索妹，而非我離開之後就成為歷史！」