立法會休會在即，財委會年結顯示比上年開多咗九節會，原因係用咗廿五個鐘審議高鐵撥款。「長命會」有時都幾難頂，不過財會副主席劉秀成（Patrick）尋日喺年結嘅記者會就有感而發話，主席劉慧卿主持會議時可以一坐幾個鐘，就連廁所都好少去，搞到佢冇乜機會做代主席，冇得發揮喎！卿姐可以做乜？咪同Patrick講聲唔好意思囉！