中環出更：Tim霍叮囑啟人揸車要醒定

相信大家都好關心啟人涉嫌酒後駕駛單案件點收科，卓妮問Tim霍有關啟人嘅最新情況，Tim霍就輕描淡寫話：「無乜嘢吖！」問佢會唔會沒收啟人部跑車，確保類似情況唔再發生？佢話：「唔會，叫佢以後小心啲揸車囉，後生仔揸車，無計嘞，經一事長一智啦！」睇嚟Tim霍係一位好體諒仔女嘅爸爸。據講啟人下月中要返警署報到，未知會否影響佢返回英國完成餘下學業。

分身不暇 立會出席率低

代表體育、演藝、文化及出版界嘅Tim霍，今年又蟬聯立法會大會出席率最低嘅議員，九年無提過動議，今個年度只提過一條有關藝術及體育發展基金嘅書面質詢。Tim霍對於出席率低直認不諱，但佢話因為實在太多嘢做，同時兼顧家族生意與體育事業，所以無法抽身去開會，好似尋日咁，佢啱啱喺內地開完會返港，佢希望日後盡量抽時間去開會喎！

佢window-shopping後，就轉身上車走人。

Tim霍話唔會沒收啟人（右）部跑車，但會叮囑阿仔以後小心揸車。