「呢個世界到處充滿愛」

【本報訊】「我要茵茵學識感恩,將來幫助有需要嘅人!」一點一滴的捐款為半肺病嬰帶來重生希望,對於眾多善心讀者的支持,蔡太說無以為報,只有寫下片言隻語以表感激,她希望茵茵日後能夠健康成長,做個有用的人回饋社會。

茵茵聞喜訊手舞足蹈

「原來呢個世界一啲都唔冷漠,到處都充滿愛,唔單止讀者嘅支持,好多舊同學、朋友,甚至我上司都替我打氣,仲話要替我祈禱、捐款幫我,我都唔知點多謝佢哋!」茵茵母親昨日得知籌款熱烈、起行在即,甚感興奮,正準備整頓行裝隨時赴台,探病時更告訴茵茵這個好消息,「我同佢講:『我哋好快可以出發去台灣,好快好番啦!』茵茵即時手舞足蹈,好似好開心咁!」

蔡太表示,若茵茵手術成功能捱過這一關,長大後一定要將這次籌款的事情告知她,「我要佢學識感恩,要愛惜生命,即使未來嘅路可能好辛苦,可能會遇到奇異嘅眼光,都唔應該輕言放棄,日後有能力就需要幫助有需要嘅人。」

為應屆會考生打打氣,請瀏覽on.cc《放榜無限分2010》專輯