探射燈：失德削公正性勢爆索卷潮

本身是中六學生的公開考試監察小組發言人戴梓軒批評，考評局花費大量公帑推行電子評卷，但閱卷問題依然「未停過」，今次更有閱卷員拿應屆答卷「隨便畀人睇」，屬嚴重失德事件，亦反映考評局的監管漏洞，「啲閱卷員做咩考評局根本唔知！」，他要求考評局免費讓學生索回試卷查閱，以起監察作用，防止閱卷員「亂咁嚟」。

教育評議會副主席何漢權亦指，今次事件影響當日在有關試場應考的考生，考生可能心有不安，擔心試卷或會被人改動，影響成績。「考生最緊張公開試，今次可能令佢哋好擔心」，隨時影響升讀大學的機會，故考生今日領取成績單後，如認為成績與自己預計的有出入，應向考評局申請成績覆核，或索回試卷查閱是否有被人改動，「買個安心都好」。

網民關注促嚴懲

不少網民知悉答卷外洩事件後，在網上討論區留言，直言十分關注情況，擔心評分出現不公平，有人更聲稱，聽聞有其他閱卷員向學生展示答卷及評卷參考。

有人直指：「我學校有個老師改今年bio（生物科），佢都有畀份marking（評分）我嘅同學睇！」有網民要求考評局嚴肅處理事件，並為閱卷員提供培訓及指引，杜絕有關情況再出現。