過江女神：睇波+打波通宵樂趣多
好多囡囡都唔喜歡自己嘅男友睇波，因為佢哋要半夜起身嚟睇，所以都會停止晒啲性生活，有囡囡更話喺啲乜嘢大賽期間，佢哋真係會守寡咁守，但今日介紹嘅過江女神，佢就好贊成自己嘅男朋友睇波，唔通佢守慣齋，究竟點解呢？
撰文：小德 攝影：阿章
放工就開波
呢位贊成男朋友通宵睇波嘅囡囡，係嚟自中×城夜總會嘅小青，今年21歲，青春貌美，活力充沛。原來小青以前係舞蹈員，每晚都喺夜場度演出，由於工作繁忙，好多時要做到凌晨三、四點至可以返到屋企，成日畀男朋友詐晒型。
小青話：「正常生活嘅男人好難同我夾得嚟，所以大多數都係嗌交分手收場，如果搵啲生活唔正常嘅男人，佢哋有時間但冇本事，後嚟遇到個喜歡睇波嘅男仔，佢日頭返工，放工就瞓，半夜就起身睇波，睇完波我就剛好返嚟，仲可以同佢打場友誼波，之後齊齊瞓覺，佢瞓陣回吓氣就起身返工，而我就瞓到晏晝至起身，之後就返工，都不知幾爽。」
陪男友睇波
如果小青唔使返工，又點樣安排呢？小青話：「仲好安排啦！佢返工嘅時候，我就瞓覺，到佢放工，我就起身同佢行吓街，睇吓戲，食吓飯，之後就返屋企大戰一場。」
你哋咁夾，應該打風都打唔甩啦？小青話：「唔好提！後來佢遇到個返工正常，同樣鍾意睇波嘅女仔，所以就可以一齊放工，一齊返屋企瞓覺，之後半夜一齊起身睇波，完全夾晒，真係輸得我心服口服。」咁你有冇打算搵番個新男友呢？小青話：「呢層梗係有諗過啦！冇個男友喺身邊，日子點過呀？」咁有乜嘢要求呢？小青話：「一定要揀個鍾意睇波嘅男仔！」相信唔少老友都合資格喎！